This page in Tamil   Hindi/Sanskrit   Telugu   Malayalam   Bengali   Kannada   English   ITRANS    Marati  Gujarathi   Oriya   Singala   Tibetian   Thai   Japanese   Urdu   Cyrillic/Russian  

833   எட்டிகுடி திருப்புகழ் ( - வாரியார் # 843 )
கடல் ஒத்த விடம்
முன் திருப்புகழ்   அடுத்த திருப்புகழ்

தனதத்த தனதத்த தனதத்த தனதத்த      தனதத்த தனதத்த ...... தனதானா

கடலொத்த விடமொத்த கணையொத்த பிணையொத்த      கயலொத்த மலரொத்த ...... விழிமானார் கனசெப்பு நளினத்து முகைவெற்பை நிகர்செப்பு      கதிர்முத்து முலைதைக்க ...... அகலாதே மிடலுற்ற கலவிக்கு ளுளநச்சி வளமற்று      மிடிபட்டு மடிபட்டு ...... மனமாழ்கி மெலிவுற்ற தமியற்கு னிருபத்ம சரணத்தை      மிகநட்பொ டருள்தற்கு ...... வருவாயே தடையற்ற கணைவிட்டு மணிவஜ்ர முடிபெற்ற      தலைபத்து டையதுட்ட ...... னுயிர்போகச் சலசத்து மயிலுற்ற சிறைவிட்டு வருவெற்றி      தருசக்ர தரனுக்கு ...... மருகோனே திடமுற்ற கனகப்பொ துவில்நட்பு டனடித்த      சிவனுக்கு விழியொத்த ...... புதல்வோனே செழுநத்து மிழுமுத்து வயலுக்குள் நிறைபெற்ற      திகழெட்டி குடியுற்ற ...... பெருமாளே.

Easy Version: கடல் ஒத்த விடம் ஒத்த கணை ஒத்த பிணை ஒத்த கயல் ஒத்த மலர் ஒத்த விழி மானார் கன செப்பு நளினத்து முகை வெற்பை நிகர் செப்பு கதிர் முத்து முலை தைக்க அகலாதே மிடல் உற்ற கலவிக்குள் உள(ம்) நச்சி வளம் அற்று மிடி பட்டு மடி பட்டு மன(ம்) மாழ்கி மெலிவு உற்ற தமியற்கு உ(ன்)னிரு பத்ம சரணத்தை மிக நட்பொடு அருள்தற்கு வருவாயே தடை அற்ற கணை விட்டு மணி வஜ்ர முடி பெற்ற தலை பத்துடைய துட்டன் உயிர் போக சலசத்து மயில் உற்ற சிறை விட்டு வரு வெற்றி தரு சக்ரதரனுக்கு மருகோனே திடம் உற்ற கனகப் பொதுவில் நட்புடன் நடித்த சிவனுக்கு விழி ஒத்த புதல்வோனே செழு நத்து உமிழு(ம்) முத்து வயலுக்குள் நிறை பெற்ற திகழ் எட்டிகுடி உற்ற பெருமாளே.

Add (additional) Audio/Video Link

833 - கடல் ஒத்த விடம் (எட்டிகுடி)

தனதத்த தனதத்த தனதத்த தனதத்த
     தனதத்த தனதத்த ...... தனதானா

Songs from this thalam எட்டிகுடி

831 - உரமுற் றிரு

832 - ஓங்கும் ஐம்புல

833 - கடல் ஒத்த விடம்

834 - மைக்குழல் ஒத்த

This page was last modified on Thu, 09 May 2024 01:33:06 -0400